विजेता. (Successful) प्रत्येकाची या शब्दाची व्याख्या वेगवेगळी असू शकते. साधारणपणे तुम्हाला काय साध्य करायचे आहे आणि काय साध्य झाले आहे यातील फरक म्हणजे तुमचे विजेतेपण. हे विजेतेपण प्रत्येकाला लाभत नाही कारण विजेता हा एकाच असतो. तुम्हालाही विजेता व्हायचंय तर मग ते योगायोगाने शक्य नाही. आज मी सांगत आहे 10 गुण जे आत्मसात केल्यास तुम्हाला विजेता होण्यापासून कोणीही रोखू शकत नाही.
1. वचनबद्धता
व्यक्तीच्या जीवनाचा दर्जा हा उत्कृष्ट वचनबद्धतेशी सरळ निगडित आहे, मग त्यांनी निवडलेले क्षेत्र कोणतेही असो. त्यामुळे तुम्हाला विजेता व्हायचं असेल तर दिलेले वचन पूर्ण करण्याची कला अवगत असायला हवी.
2. प्रचंड ईच्छाशक्ती
तुम्ही सतत ज्याचा विचार करत असता त्यावर तुमचे मन विश्वास ठेवत असते. विजेता होण्यासाठी तुमच्याकडे प्रचंड इच्छाशक्ती असणे गरजेचे आहे तरच तुम्ही शरीराला कंट्रोल करू शकाल.
3. जबाबदारी
अनेकांना बदलाची फार भीती वाटते. आहे त्या परीस्थित बदल होऊच नये अशी त्यांची इच्छा पण जो स्वतःहून नवीन बदल स्वीकारायला शिकला तो विजेता बनला. मग बदल तुमच्या कामातला, अभ्यासातील किंवा पर्यावरणातील असो.
4. कष्ट
कोणतेही यश योगायोगाने मिळत नाही, त्यामागे असते ती प्रचंड कष्टाची दोरी. तुम्ही स्वप्न मोठी पाहत असाल पण त्यासाठी प्रयत्न करत नसाल तर मग ते स्वप्नच राहील. पाहिलेले स्वप्न सत्यात उतरवण्यासाठी प्रचंड कष्टाची तयारी असेल तर विजेता तुंम्हीच असाल.
5. त्यागाची तयारी
विजेता होण्यासाठी तुम्हाला अनेक गोष्टींचा त्याग करावा लागेल. ज्यांनी ज्यांनी इतर गोष्टींना ध्येयापेक्षा जास्त महत्व दिले ते कधीच विजेता न बनले.
6. सकारात्मक विश्वास
आपण जसा विचार करतो, गोष्टी तश्या घडत जातात. अनेकांना काम करत असताना अपयशाची भीती सतावत असते पण विजेता होण्यासाठी तुम्हाला या भीतीवर विजय मिळावा लागेल आणि कामावर सकारात्मक विश्वास ठेवावा लागेल.
7. दाता बना
अनेकांना संकुचित बुद्धी ठेवून यशस्वी होता येते अस वाटतं पण जेवढं दुसऱ्याला द्याल त्याच्या दुप्पट तुम्हाला मिळेल. त्यामुळे दाता बना आणि दुसर्यांना मदत करण्यात संकुचितपणा ठेवू नाका.
8. निर्धार
हा गुण फारच कमी लोकांच्या अंगी असतो म्हणूनच विजेते कमी आणि हरलेले अधिक दिसतात. एखादी गोष्ट ठरवली की मग ती तडीस नेण्याची वृत्ती म्हणजे निर्धार, मग कितीही अडथळे येवोत. विजेते होण्यासाठी हा गुण तुमच्या अंगी ठासून भरलेला हवा.
9. शिकत राहा
सतत शिकत राहणे हा गुण बदल स्वीकारण्याशी थोडा निगडित आहे फरक एवढंच आहे की तुम्ही बदल झाल्यावर शिकता की बदल व्हायच्या आधीच त्यासाठी तयार होता. तुमचे विजेतेपन यावर अवलंबून आहे.
10. स्वतःवर विश्वास
विजेते होण्यासाठी लागणाऱ्या 10 गुणांपैकी शेवटचा गुण. तुमच्या मते एखादी गोष्ट शक्य आहे तर ती शक्य आहे आणि ती गोष्ट अशक्य आहे तर ती अशक्य आहे. स्वतःच्या गुणांवर विश्वास ठेवा, ध्येयाने पछाडून जा. विजेते तुम्हीच असाल.